Amphai

DC4/3

ຫນ້າຫລັກ October 14, 2012

ໃຊ້ສອງບ່າຫາບເຄື່ອງຂາຍລ້ຽງຊີບດີກວ່າບໍ່ເຮັດຫັຍງເລີຍແຕ່ຂາດເງິນໃຊ້

ການປະກອບອາຊີບທີ່ເໝາະສົມກັບສະພາບຂອງຕົນເອງ ແມ່ນສິ່ງທີ່ສຳຄັນທີ່ສຸດສຳລັບຊີວິດຂອງຄົນເຮົາ, ພັນຄົນ ຫຼື ໝື່ນຄົນອາດມີອາຊີບທີ່ແຕກຕ່າງ ກັນໄປ ແລະ ແນ່ນອນອາຊີບຂອງແຕ່ລະຄົນ ແມ່ນໜ້າທີ່ພື້ນຖານທີ່ຄົນ ນັ້ນຈະຕ້ອງເຮັດໃຫ້ສຳເລັດ ແລະ ເຮັດໃຫ້ດີທີ່ສຸດເທົ່າທີ່ຄວາມສາມາດ ຂອງຕົນເຮັດໄດ້ ແລະ ນຳຜົນປະໂຫຍດສູງສຸດມາສູ່ຜູ້ປະກອບອາຊີບນັ້ນ. ຄວາມ​ຈິງ​ແລ້ວ, ການ​ມີ​ອາຊີບ​ທີ່​ດີບໍ່​ໝາຍ​ຄວາມ​ວ່າ​ຄົນ​ໃດ​ຄົນ​ໜຶ່ງ​ມີ​ອາຊີບ ​ທີ່​ມີ​ກຽດສູງສົ່ງ ຫຼື ຕຳ່ຕ້ອຍແຕ່ຕົວຕັດສິນ ແມ່ນຢູ່ບ່ອນວ່າເຂົາປະກອບ ອາຊີບ ທີ່ບໍລິສຸດ ຫຼື ບໍ່ ແລະ ການປະກອບອາຊີບຂອງເຂົາ ໄດ້ເຮັດຫຍັງ ໃຫ້ຄົນອື່ນເດືອດຮ້ອນບໍ່? ເຂົາຫາກິນດ້ວຍການສໍ້ໂກງບໍ່? ແລະ ຫາກິນຢູ່ ເທິງຄວາມທຸກຂອງຄົນອື່ນບໍ່? ທັງໝົດນີ້ແມ່ນຕົວຕັດສິນອາຊີບທີ່ດີຂອງ ແຕ ່ລະຄົນ .

ໃນບົດນີ້, ຜູ້ຂຽນຢາກໃຫ້ທ່ານຮູ້ຈັກກັບ ນາງ ເປຍ ປະຊາຊົນບ້ານຄຳຊັນ ເມືອງ ​ໄຊ​ພູ​ທອງ ແຂວງສະຫວັນນະເຂດ ຜູ້ທີ່ປະກອບອາຊີບດ້ວຍການ ຫາບ ເຄື່ອງຂາຍ ເພື່ອຫາເງິນລ້ຽງຕົນເອງ ແລະ ຄອບຄົວ . ຍ້ອນນາງ ​ເປຍແຕ່ງ ງານແຕ ່ອາຍຸຍັງນ້ອຍລາວຈິ່ງໄດ້ຮຽນຮູ້ການດຳລົງຊີວິດທີ່ຕ້ອງເພິ່ງຕົນເອງ – ກຸ້ມຕົນເອງມາໂດຍ ຕະຫຼອດ , ປະຈຸບັນລາວ ມີອາຍຸ 18 ປີ ແລະໄດ້ລູກ 2 ຄົນແລ້ວ , ລູກກົກ ມີອາຍຸ 3 ປີ , ສ່ວນຜົວຂອງລາວ ແມ່ນຫາເງິນດ້ວຍການ ເຜົາຖ່ານຂາຍ . ນາງເວົ້າວ່າ “ ຂ້ອຍ​ຍຶດອາຊີບ​ດ້ວຍ​ການ​ຫາບ​ເຄື່ອງ​ຂາຍ​ມາ​ໄດ້ 3 ປີ​ແລ້ວ , ຕອນ​ແຕ່​ງານ ​ໃໝ່ໆ​ຂ້ອຍ​ບໍ່​ຮູ້​ວ່າ​ຈະ​ຫາ​ເງິນ​ແນວ​ໃດ ຕໍ່​ມາ​ຂ້ອຍ​ໄດ້​ເຫັນ​ຫຼາຍ​ຄົນ​ໃນ​ບ້ານ​ຂອງ​ຂ້ອຍ ​​ໄປ​ຮັບ​ເອົາ​ເຄື່ອງ​ຂາຍ​ ​ເຊິ່ງສ່ວນ​ໃຫຍ່​ເປັນ​ປະ​ເພດ​ເຄື່ອງກິນ​ທີ່​ເປັນ​ເຄື່ອງ​ປ່າ​ ຂອງ​ດົງ ​ແລ້ວ​ເອົາ​ຂຶ້ນ​ລົງ​ສອງ​ແຖວ​ລົງ​ມາ​ຂາຍ​ຢູ່​ຕົວ​ເມືອງ​ສະຫວັນ​ນະ​ເຂດ ​ເຊິ່ງ​ເຫັນ​ວ່າ​ ແຕ່ລະຄົນ​ແມ່ນ​ມີ​ລາຍ​ໄດ້​ດີ ​ແລະ​ ພໍ​ກຸ່ມ​ຢູ່​ກຸ້ມ​ກິນ , ສະ​ນັ້ນ​ຂ້ອຍ​ ເອງ​ຈິ່ງ​ເກີດ​ຄວາມ​ສົນ​ໃຈ ​ແລະ ​ເລີ່​ມຕົ້ນ​ຄິດ​ຄົ້ນ​ຫາ​ເຄື່ອງ​ຂາຍ​ເພື່ອ​ສ້າງ​ລາຍ​ໄດ້​ໃຫ້​ແກ່​ຄອບຄົວ​ ຂອງ​ຕົນ​ເອງ ”. ນາງ​ເປຍ​ໄດ້​​ເວົ້າເຖິງ​ການ​ຫາບ​ເຄື່ອງ​ຂາຍ​ວ່າ : ນີ້​ແມ່ນ​ອາຊີບ​ທີ່​ລາວ​ມັກ ​ແລະ​ອາຊີບ​ນີ້​ກໍ​ຖື​ວ່າ​ເປັນ​ອາຊີບ​ທີ່​ມີ​ລາຍ​ໄດ້​ດີ , ​ແຕ່​ລະ​ມື້​ລາວ​ຈະ​ຕ້ອງ​ ໄດ້​ໃຊ້​ທຶນ​ເພື່ອ​ຊື້​ເຄື່ອງ​ຂາຍ​ປະມານ 200.000 ກີບ​ , ຖ້າ​ເຄື່ອງ​ໃນ​ຫາບ​ຂອງ​ລາວ​ຫາກ​ຂາຍ​ໝົດ​ລາວ​ຈະ​ໄດ້​ກຳ​ໄລ​ປະມານ 50.000-60.000 ກີບ , ສ່ວນ​​ເງິນ​ທຶນ​ທີ່​ໃຊ້​ຊື້​ເຄື່ອງ​ໃນ​ແຕ່​ລະ​ມື້​ແມ່ນ​ໄດ້​ມາ​ຈາກ​ເຈົ້າຂອງ​ລົດ 2 ​ແຖວ ​ເຊິ່ງ​ເປັນ​ຜູ້​ໃຫ້​ຢືມ​ທຶນ​ມື້​ລະສອງ​ແສນ​ກີບ​ບວກ​ຄ່າ​ລົດ​ໄປ-ກັບ​ອີກ 14.000 ກີບ ​ເຊິ່ງນາງ​ເປຍ​ຈະ​ຕ້ອງ​ໄດ້​ຈ່າຍ​ຄືນ​ໃຫ້​ເຈົົ້າຂອງ​ລົດ​ສອງ​ແຖວ​ໃນ​ຕອນ​ຂາ​ ກັບ .​ເຄື່ອງ​ຂາຍ​ທີ່​ລາວ​ນຳ​ມາ​ບໍລິການ​ຂາຍ​ແມ່ນ​ມີ​ຫຼາຍ​ຢ່າງ ​ເຊິ່ງ ສ່ວນ​ໃຫຍ່​ແມ່ນ ​ເຄື່ອງກິນ​ທີ່​ເປັນ​ເຄື່ອງ​ປ່າ​ຂອງ​ດົງຕາມ​ລະດູ​ການ ​ແລະ​ເຄື່ອງກິນ​ອື່ນໆ​ເປັນ​ຕົ້ນ​ແມ່ນ : ​ໄຂ່​ມົດ​ແດງ, ສົ້ມ​ຜັກ​ສ້ຽນ, ​ໄຂ່​ໄກ່​, ​ໄຂ່ເປັດ, ຜັກ​ປ່າ ( ຜັກ​ກະດູ​ນ, ຜັກ​ຕິ້ວ ), ຊີ້ນ​ແຫ້ງ, ຫໍ່​ສົ້ມ, ​ແມງ​ຂະ​ໜູນ​ຂົ້ວ, ຕັກ​ແຕນ​ຂົ້ວ​, ປີ້ງ​ປາ, ເຫັດ ​ແລະ​ ສ່ວນ​ໜຶ່ງ​ ແມ່ນ​ຮັບ​ເອົາ​ຈຳພວກ​ຂະໜົມຈາກ​​ແມ່​ຄ້າ​ໃນ​ຕົວ​ເມືອງ​ສະຫວັນ​ນະ​ເຂດ. ​ໃນ​ແຕ່​ລະ​ມື້​ລາວ​ຈະ​ລັດ​ຊື້​ເຄື່ອງ​ບາງ​ສ່ວນ​ຈາກ​ແມ່​ຄ້າ ​ທີ່​ມາ​ຈາກ​​ສອງ​ຄອນ ​ແລະ ​ເມືອງ​ຈຳ​ພອນ ​ແລະ ​ສ່ວນ​ໜຶ່ງ​ແມ່ນ​ລົງ​ມາ​ຊື້​ຢູ່​ຫຼາດ​ສະຫວັນ​ໄຊ​ໃນ​ຕອນ​ເຊົ້າໆ ຈາກ​ນັ້ນລາວຈະເອົາເຄື່ອງຂາຍໃສ່ກະຕ່າເຂ່ງ ແລ້ວຫາບເລາະໄປຕາມບ້ານ ເຮືອນຂອງປະຊາຊົນ ແລະ ຕາມສຳ ນັກງານຂອງລັດ ແລະ ຫ້າງຮ້ານຕ່າງໆ. ຫຼາຍຄົນທີ່ເປັນພະນັກງານພາກລັດກໍເປັນຂາປະຈຳຂອງ ນາງ ເປຍ, ບາງຄົນກິນ ເຂົ້າທ່ຽງ ຢູ່ຫ້ອງການກໍໄດ້ ຮັບການບໍລິການດ້ານອາຫານຈາກຫາບຂອງລາວ ເຊິ່ງໃນແຕ່ລະມື້ເຄື່ອງຂາຍແມ່ນບໍ່ຄືກັນ, ສ່ວນເສັ້ນ ທາງທີ່ລາວຍ່າງເລາະຂາຍ ເຄື່ອງແມ່ນເລີ່ມຈາກ ຕະຫຼາດສະຫວັນໄຊແລ້ວຍ່າງເຂົ້າຕົວເມືອງ ແວ່ຂາຍຕາມເຣືອນປະຊາຊົນ ແລະ ຫ້ອງການບ່ອນທີ່ລາວເຄີຍຂາຍໃຫ້, ບາງ​ມື້​ກໍ​ຂາຍ​ໝົດ ບາງ​ມື້​ກໍ​ເຫຼືອ​ຂາຍ​ແລ້ວ​ນ​ຳ​ໄປ​ເປັນ​ອາຫານ​ຢູ່​ເຮືອນ .

ນາງເປຍກ່າວຕື່ມວ່າ : “​ ເງິນ​ທີ່​ຂ້ອຍ​ຫາ​ໄດ້​ແມ່ນ​ສິ່ງ​ທີ່​ຄ້ຳ​ຊູ​ຄ່າ​ໃຊ້​ຈ່າຍ​ພາຍ​ໃນ​ຄອບຄົວ​ຂອງ​ຂ້ອຍ , ​ເຖິງ​ວ່າ​ມັນ​ແມ່ນ​ລາຍ​ໄດ້​ທີ່​ບໍ່​ຫຼາຍ​ແຕ່​ຂ້ອຍ​ກໍພູມ​ໃຈ ​ແລະ​ ຂ້ອຍ​ກໍມັກ​ອາຊີບ​ນີ້ ​ເພາະວ່າ​ມັນ​ບໍ່​ມີ​ຄວາມ​ຫຍຸ້ງຍາກ​ຫຍັງ ພ້ອມ​ນັ້ນ​ລາຍ​ໄດ້​ທີ່​ຂ້ອຍ​ຫາ​ກໍ​ເປັນ​ການ​ຊ່ວຍ​ຊູ​ລາຍ​ໄດ້​ຂອງ​ຜົວ​ຂ້ອຍ​ຕື່ມ​ອີກ ”./.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s