Amphai

DC4/3

ຂ່າວIT October 14, 2012

 

eCorner ວາລະສານອີຄອນເນີ ວາລະສານ ໄອທີ ແລະ ອີເລັກໂທຣນິກ

ຄວາມແຕກຕ່າງລະຫວ່າງ LCD , PLASMA , LED ແລະ OLED TV

ພໍດີໄປເລາະງານມະຫະກຳເຄື່ອງໃຊ້ໄຟຟ້າມາ ເຫັນລາຄາຫນ້າຈໍ LCD TV 32″ ລາຄາມີແຕ່ໃນລະດັບ 6ລ້ານດົ້ງປາຍໆ ( 3ລ້ານກີບປາຍໆ ) ເລີຍຂ້ອງໃຈໃນຄວາມຖືກຂອງມັນ ເພາະບໍ່ຄຶດວ່າລາຄາມັນຈະລົງຈາກຫລັກ 10ລ້ານປາຍ ມາເຫລືອ 3ລ້ານປາຍໄດ້ ເລີຍຊອກຂໍ້ມູນມາແລະເຫັນສາເຫດທີ່ມັນລາຄາມັນລົງໄວ. ເອົາເປັນວ່າ ໃຜມີແນວຄິດຢາກຊື້ມາປະດັບຫ້ອງຈັກອັນກໍ່ຕາມສະບາຍ

LCD TV (Liquid Crystal Display TV)

ທາງໃນນັ້ນຈະມີຫລອດໄຟ CCFL (Cold Cathode Fluorescent Lamp) ເຊິ່ງມີລັກຊະນະເປັນຫລອດຜອມໆນ້ອຍໆຄ້າຍກັບທໍ່ດູດ ລຽງກັນເປັນແນວນອນ ພ້ອມທັງມີ Liquid Crystal ທີມິລັກຊະນະເປັນຂອງເຫລວທີ່ບໍ່ເຫລວ?(ຖ້າໃຜຄິດບໍ່ອອກໃຫ້ຄິດຫາ ຂະຫນົມປີໂປ້)ທີມີແມ່ສີທັງສາມຄື RED GREEN BLUE (RGB) ບິດໂຕເອງໃຫ້ເປັນອົງສາເພື່ອໃຫ້ແສງ CCFL Backlight ສາມາດສ່ອງລອດຜ່ານອອກມາເປັນສີສັນຕ່າງໆໄດ້

ຫນ້າຕາຂອງ CCFL Backlight ພາຍໃນ LCD TV

ຂໍ້ດີຂອງ LCD TV
1. ໃຫ້ສີສັນສົດໃສພໍປະມານສຳຫລັບເບິ່ງລາຍການໂທລະທັດຕ່າງໆ.
2. ເຫມາະສົມໃນການນຳໄປເປັນ Monitor ຂອງຄອມ.
3. ສາມາດຕິດຕັ້ງໄວ້ໃນສະຖານທີ່ທີ່ມີຄວາມແຈ້ງສູງເຊັ່ນຕາມຫ້າງສັບພະສິນຄ້າ, ຫ້ອງຮັບແຂກ…
4. ໂອກາດຂອງອາການໄຫມ້ໃນ (Burn-In) ແມ່ນ 0%.
5. ກິນໄຟຫນ້ອຍ.

ຂໍ້ເສຍຂອງ LCD TV
1.ບໍ່ສາມາດຈະສະແດງພາບທີ່ມີການເຄືອນໄຫວໄວໆໄດ້ດີປານໃດ ເພາະມີຄ່າ Response Time ໄວທີ່ສຸດໃນຂະນະນີ້ມີພຽງ 2 ms ເທົ່ານັ້ນ.
2. ສະແດງສີສັນບໍ່ໄດ້ຄືກັບທຳມະຊາດແທ້ ໂດຍສະເພາະສີແດງ, ສີຜິວ, ສີທ້ອງຟ້າ ແລະ ທະເລ
3. ບໍ່ສາມາດສະແດງສີດຳສະນິດໄດ້ເນືອງຈາກຕ້ອງມີການເປີດ Backlight ຕະຫລອດເວລາ ເຮັດໃຫ້ມີແສງເລັດລອດອອກມາຈາກສາກພື້ນທີ່ເປັນສີດຳ ເລີຍເປັນເປັນສີດຳແບບແຈ້ງໆ ຫລາຍກວ່າຈະເປັນສີດຳແບບມືດ.
4. ມຸມມອງຂອງຫນ້າຈໍມີຄວາມຈຳກັດສູງ ເຮັດໃຫ້ເວລາເບິ່ງແບບສະຫລຽງບໍ່ໄດ້ດີ.

PLASMA TV  
ສະແດງພາບໂດຍໃຊ້ແສງຈາກການແຕກໂຕ ionized ຂອງ neon gas (ກ໊າສ ນີອອນ) ເພືອສະແດງພາບອອກມາທີ່ຫນ້າຈໍ ເຊິ່ງພາບໃນຈໍນັ້ນແມ່ນຈະເຕັມໄປດ້ວຍ neon gas ເຮັດໃຫ້ແຕ່ລະ pixel ສາມາດກຳເນີດແສງຂຶ້ນມາເອງໄດ້,  Plasma TV ສ່ວນຫລາຍຈະເນັ້ນແຕ່ຂະຫນາດໃຫຍ່ໆຕັ້ງແຕ່  32” ຂຶ້ນໄປຈົນເຖິງ 150”


ຂໍ້ດີຂອງ  Plasma TV
1. ສາມາດຈະສະແດງພາບທີ່ມີການເຄືອນໄຫວໄວໆໄດ້ດີເນືອງຈາກມີ Response Time ພຽງແຕ່ .001 ms ເຫມາະໃນການເບິ່ງຫນັງຈຳພວກ Action ແລະການແຂ່ງຂັນກິລາຕ່າງໆ.
2. ອາຍຸການໃຊ້ງານຍາວກວ່າ 100,000 ຊົ່ວໂມງ (Half Brightness)
3. ສະມາດສະແດງລະດັບພື້ນສີດຳໄດ້ດີກວ່າຫນ້າຈໍ LCD
4. ມີ contras ທີສູງເຮັດໃຫ້ຮູບພາບທີ່ອອກມາເບິ່ງມີມິຕິຫລາຍຂຶ້ນ
5. ມີມຸມມອງກວ້າງກ່ອນຫນ້າ LCD ຫລາຍ.
6. ສະແດງສີສັນໄດ້ສົດໃສເກືອບເທົ່າຂອງແທ້.

ຂໍ່ເສຍຂອງ  Plasma TV
1. ມີໂອກາດທີ່ຈະເກີດການໄຫມ້ໃນ (Burn-In) ຖ້າຫາກມີການຢຸດພາບແຊ່ໄວ້ດົນໆ ຍົກຕົວຢ່າງຄືຈຳພວກ ໂລໂກ້ຂອງຊ່ອງໂທລະພາບ ເປັນຕົ້ນ (ເປັນອີກເຫດຜົນທີ່ຫນ້າຈໍ Monitor ຂອງຄອມບໍ່ມີຈໍແບບ Plasma)
2.ເນື່ອງຈາກຫນ້າຈໍເປັນແກ້ວ ຈິ່ງບໍ່ເຫມາະສົມທີ່ຈະຕິດຕັ້ງໃນຫ້ອງທີ່ມີຄວາມສະວ່າງສູງ ເພາະຈະເຮັດໃນເກີດມີເງົາສະທ້ອນ.
3. ກິນໄຟຫລາຍກວ່າທັງຈາກການສະແດງສີ ແລະ ການລະບາຍຄວາມຮ້ອນ ເພາະ Plasma TV ມີຄວາມຮ້ອນສູງ.

LED TV
LED TV ຍໍ້ມາຈາກ Light Emitting Diode TV ເຊິງເປັນດອກໄຟນ້ອຍໆ(ດອກ LED ນັ້ນລະ) ມາເປັນໂຕກຳເນີດແສງ ແລະໃນແຕລະດອກຈະມີ Liquid Crystal ທີມິລັກຊະນະເປັນຂອງເຫລວ ( ເທັກນິກດຽວກັນກັບ LCD TV) ທີມີແມ່ສີທັງສາມຄື RED GREEN BLUE (RGB) ບິດໂຕເອງໃຫ້ເປັນອົງສາເພື່ອໃຫ້ແສງຈາກດອກ LED ສາມາດສ່ອງລອດຜ່ານອອກມາເປັນສີສັນຕ່າງໆໄດ້

[img] [/img]

ສະລຸບງ່າຍໆວ່າ LED TV ກໍ່ຄື LCD TV ທີ່ປ່ຽນຈາກຫລອດໄຟ CCFL ມາເປັນດອກ LED ໃນການກຳເນີດແສງແທນ ໂດຍມີ Liquid Crystral ເປັນໂຕສ້າງສີໃນແຕະລະ Pixel.

LED TV ມີອ້າຍນ້ອງນຳກັນ 3 ຄົນໄດ້ແກ່:
1. EDGE LED :

ຄຳວ່າ EDGE ກໍ່ບອກຢູ່ແລ້ວແປວ່າ“ຂອບ” ເຊິ່ງແມ່ນການວາງດອກ LED ໄວ້ທີ່ຂອບ ຂວາ-ລຸ່ມ-ຊ້າຍ-ເທິງ ຂອງຫນ້າຈໍ ໂດຍມັນຈະເຮັດຫນ້າທີ່ຍິງແສງເຂົ້າມາກາງຫນ້າ.
ຂໍ້ດີຂອງ LED TV ແບບ EDGE :
1.ຍ້ອນວ່າງດອກ LED ໄວ້ຕາມຂອງເຮັດໃຫ້ຮູບຮ່າງຂອງໂທລະທັດມີຂະບາງຫລາຍໆ
2.ປະຍັດໄຟຫລາຍເມື່ອທຽບໃສ່ຫນ້າຈໍທົ່ວໆໄປ.
ຂໍ່ເສຍຂອງ  LED TV ແບບ EDGE :
1.ບໍ່ສາມາດເຮັດ Local Dimming (ການເປີດ-ບິດດອກໄຟເປັນກຸ່ມ) ໄດ້ເນື່ອງຈາກບັນດາດອກໄຟ LED ຢູ່ສ່ວນຂອບຂອງຫນ້າຈໍ.
2.ສະແດງສີດຳ(ມືດ)ບໍ່ໄດ້ດີປານໃດຖ້າທຽບໃສ່ຫນ້າຈໍ LED ແບບອື່ນ ເນື່ອງມາຈາກບໍ່ສາມາດເຮັດ Local Dimming ໄດ້.

2. Full LED :

ຈະມີດອກ LED ຢູ່ທາງຫລັງຂອງຫນ້າຈໍເພື່ອໃຫ້ກຳເນີດແສງ ເຊິ່ງແຕ່ລະດອກຈະທຳງານເປັນອິດສະຫລະຈາກກັນ ເຮັດໃຫ້ມີຊື່ເອີ້ນວ່າ Full LED
ຂໍ້ດີຂອງ LED TV ແບບ Full LED :
1.        ສາມາດເຮັດ Local Dimming ຫລືທີ່ການເປີດ/ປິດດອກ LED ເປັນກຸ່ມໆນັ້ນເອງ ເຮັດໃຫ້ສາມາດເນັ້ນສີເຂັ້ມໄດ້ສະເພາະຈຸດ
2.         ເນື່ອງຈາກສາມາດເຮັດ Local Dimming ໄດ້ ເຮັດໃຫ້ສາມາດສະແດງສີດຳ(ມືດ) ໄດ້ດີຫລາຍໆ.
ຂໍ່ເສຍຂອງ  LED TV ແບບ Full LED:
1.        ເຄື່ອງມີຄວາມຫນາ ຖ້າທຽບໃສ່ LED TV ແບບ EDGE ເພາະຕ້ອງໃຊ້ດອກ LED  ຫລາຍດອກໄວ້ດ້ານຫລັງຂອງຫນ້າຈໍ ເຮັດໃຫ້ມີຄວາມຫນ້າປະມານ LCD TV ທົ່ວໆໄປ.

RGB LED :

ມີລັກຊະນະຄືໆກັບ Full LED  ທຸກຢ່າງ ແຕ່ຈະແຕກຕ່າງບ່ອນທີ່ປ່ຽນຈາກດອກ LED ທຳມະດາ ມາເປັນດອກ LED ທີມີສີ ແດງ-ຂຽວ-ຟ້າ ແທນ ສົງຜົນໃຫ້ສີທີ່ສະແດງອອກມາມີຄວາມສົມບູນຄືຂອງແທ້ຫລາຍໆ ເພາະຈຸດກຳເນີດແສງນັ້ນກໍອອກມາຈາກແມ່ສີຕັ້ງແຕ່ທຳອິດ ເຮັດໃຫ້ພາບທີ່ໄດ້ມີມິຕິຫລາຍຂຶ້ນ ແລະອາດຈະບອກໄດ້ວ່າເປັນໂຕ TOP ຂອງຫນ້າຈໍຈຳພວກ  LEDTV ໄດ້ເລີຍ
ຂໍ້ດີຂອງ LED TV ແບບ RGB LED:
1.        ສາມາດເຮັດ Local Dimming ສາມາດສະແດງສີດຳ(ມືດ) ໄດ້ດີຫລາຍໆ + ໄຊ້ດອກ LED ທີ່ເປັນແມ່ສີ ສົງຜົນໃຫ້ສີທີ່ສະແດງອອກມາມີຄວາມສົມບູນແລະມີມິຕິຫລາຍຂຶ້ນ
ຂໍ່ເສຍຂອງ  LED TV ແບບ RGB LED:
1.        ມີລາຄາທີ່ແພງຫລາຍໆ

ຫນ້າຈໍແບບ OLED (Organic Light Emitting Devices):
[img] [/img]
ຫລາຍຄົນມີຄວາມສັບສົນລະຫວ່າງຫນ້າຈໍ LED ແລະ OLED ວ່າແມ່ນໂຕດຽວກັນ ແຕ່ທີ່ຈິງແລ້ວແມ່ນຄົນລະອັນ ແລະໃຊ້ເທັກນິກການຜະລິດທີ່ແຕກຕ່າງກັນທຸກຢ່າງ

[img] [/img]

Organic Light Emitting Deviceຄືການນຳເອົາໂມເລກຸນຂອງອິນຊີສານມາສັງເຄາະໃຫ້ເປັນຄ້າຍຄືແຜ່ນຟິມຮູບຖ່າຍ ແລ້ວເຮັດການກະຕຸ້ນດ້ວຍໄຟຟ້າຈາກຂົ້ວ + ແລະ – ຈົນເກີດເປັນສີສັນຕ່າງໆຂຶ້ນມາ, ສາມາດເປ່ງແສງໄດ້ດ້ວຍໂຕເອງເຮັດໃຫ້ບໍ່ຈຳເປັນຕ້ອງມີດອກໄຟຫລືຫລອດໄຟ Backlight ມາໃຫ້ຍຸ້ງສະຫມອງຕ່າງໆນາໆ ແຖມຍັງສາມາດປິດງໍໄດ້ເນື່ອງຈາກມີຄວາມບາງຫລາຍໆແລະເຄືອບດ້ວຍຢາງ ກາຍເປັນ “Flexible Display” ໄປໃນໂຕ. ໂດຍຫລັກແລ້ວຫນ້າຈໍ OLED ຈະໃຊ້ອິນຊີສານພຽງ 3 ຊະນິດເພື່ອໃຫ້ໄດ້ແມ່ສີຄື ແດງ, ຂຽວ ແລະ ຟ້າ.

ຂໍ້ດີຂອງ OLED
– ສາມາດກຳເນີດແສງດ້ວຍໂຕມັນເອງ ເຮັດໃຫ້ກິນໄຟຫນ້ອຍ ແລະ ມີສີສັນແຈ້ງສົດ.
– ຈໍມີຄວາມບາງ ເບົາ ຍືດຍຸ່ນໄດ້.
– ເນື່ອງຈາກຫນ້າຈໍທີ່ເຄືອບດ້ວຍຢາງ ເຮັດໃຫ້ສາມາດເປ່ງແສງອອກມາໄດ້ດີຫລາຍໆ.

ຂໍ່ເສຍຂອງ  OLED
– ອາຍຸການໃຊ້ງານຂອງອິນສີສານສີຟ້າ ຍັງມີອາຍຸການໃຊ້ງານທີ່ສັ້ນພຽງ 1,000 ຊົວໂມງ  (ແຕ່ສຳລັບສີຂຽວ ແລະ ແດງມີອາຍຸການໃຊ້ງານຍາວປະມານ 10,000 ເຖິງ 40,000 ຊົ່ວໂມງ)
– ລາຄາສູງຫລາຍ ເພາະເທັກໂນໂລຢີການຜະລິດຈໍແບບ OLED ຍັງມີຄວາມຈຳກັດສູງ (ເວົ້າງ່າຍໆແມ່ນຜະລິດຍາກ)

ສາມາດບິດງໍໄດ້ໃຈຫລາຍໆ

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s