Amphai

DC4/3

ເສດຖະກິດ October 14, 2012

11 ວິ​ສາ​ຫະກິດ​ໃຫຍ່​ໃນ​ຫວຽດນາມ ຈະ​ໃຊ້​ຜະລິດ​ຕະພັນ​ຂອງ​ກັນ ​ແລະ ກັນ

(ຂປລ): ຂ່າວສານ ຫວຽດນາມ ລາຍ​ງານ​ວ່າ 11/16 ກຸ່ມ​ບໍລິສັດ, ສະຫະ​ບໍລິສັດ ທີ່​ຂຶ້ນກັບ​ກະຊວງ​ອຸດສາຫະກຳ ການ​ຄ້າ ຫວຽດນາມ ​ໄດ້​ຮ່ວມ​ກັນ​ລົງ​ນາມ​ໃນ​ຂໍ້​ຕົກລົງ ວ່າ​ດ້ວຍ​ການ​ຊື້ຂາຍ ນຳ​ໃຊ້​ຜະລິດ​ຕະພັນ​ຂອງ​ກັນແລະ​ກັນ ດ້ວຍ​ຈຸດປະສົງ​ເພື່ອ​ສະຫນອງ​ຕອບ​ຕໍ່​ການ​ປຸກລະດົມ “ຄົນ​ຫວຽດນາມ ​ໃຊ້​ສິນຄ້າ​ຫວຽດນາມ” ​ແລະ ປະກອບສ່ວນ​ເຂົ້າ​ໃນ​ການ​ແກ້​ໄຂ​ຄວາມ​ຫຍຸ້ງຍາກ ​ໃຫ້​ແກ່​ວິ​ສາ​ຫະກິດ​ຕ່າງໆ, ຊຸກຍູ້​ການ​ຜະລິດ ​ແລະ ​ເຮັດ​ທຸລະ​ກິດ​ໃຫ້​ພັດທະນາ.

ທ່ານ ຫວໍ​ວັນ​ກ່ວຽນ, ຫົວຫນ້າ​ກົມ​ການ​ຕະຫລາດ​ພາຍ​ໃນ​ປະ​ເທດ ທີ່​ຂຶ້ນກັບ​ກະຊວງ​ອຸດສາ ຫະກຳ ການ​ຄ້າ ຫວຽດນາມ ​ເວົ້າວ່າ ການ​ປຸກລະດົມ​ໃຫ້ “ຄົນ​ຫວຽດນາມ ​ໃຊ້​ສິນຄ້າ​ຫວຽດນາມ” ດ້ວຍ​ຈຸດປະສົງ​ເບື້ອງຕົ້ນກໍ​ແມ່ນ​ມຸ່ງ​ໄປ​ສູ່​ການ​ເຮັດ​ໃຫ້​ຜູ້​ບໍລິ​ໂພ​ກ ​ໃຊ້​ສິນຄ້າ​ທີ່​ຜະລິດ​ຢູ່​ພາຍ​ໃນ​ປະ​ເທດ, ​ແຕ່​ເມື່ອ​ບໍ່​ດົນ​ມານີ້ ​ໄດ້​ມີ​ການ​ເປີດ​ກ້ວາງ​ໄປ​ສູ່​ການ​ສົ່ງ​ເສີມ​ບັນດາ​ວິ​ສາ​ຫະກິດ ​ໃຫ້​ບຸລິມະສິດ ​ໃນ​ການ​ນຳ​ໃຊ້​ສິນຄ້າ, ການ​ບໍລິການ​ຂອງ​ກັນ​ແລະ​ກັນ ​ເພື່ອ​ແກ້​ໄຂ​ບັນຫາ​ສິນຄ້າ​ຄ້າງ​ສາງ.

ລັດຖະມົນຕີກະຊວງ​ອຸດສາຫະກຳການ​ຄ້າ ຫວຽດນາມ ຫວູຮຸຍ​ຫ່ວາງ ກໍ​ໄດ້​ກ່າວ​ຢ້ຳວ່າ ​ໄປ​ຄຽງ​ຄູ່​ກັບ​ການ​ແກ້​ໄຂ​ຂອງ​ລັດຖະບານ ທີ່​ປະກາດ​ໃຊ້​ໄປ​ນັ້ນ ກໍ​ມີ​ຄວາມ​ຈຳ​ເປັນ​ຕ້ອງ​ໄດ້​ມີ​ວິທີ​ການສະ​ເພາະ​ອອກ​ມາ ຢູ່​ໃນ​ແຕ່​ລະວິ​ສາ​ຫະກິດ ​ເພື່ອ​ຫລຸດຜ່ອນ​ປະລິມານ​ສິນຄ້າ​ຄ້າງ​ສາງ ​ແລະ ​ເພື່ອ​ເສີມ​ຂະຫຍາຍ​ທ່າ​ໄດ້​ປຽບ​ຂອງ​ກັນ​ແລະ​ກັນ.

ກະຊວງ​ອຸດສາຫະກຳການ​ຄ້າ ຫວຽດນາມ ​ໃຫ້​ຮູ້​ວ່າ ​ໄລ່​ມາ​ຮອດ​ຕົ້ນ​ເດືອນ​ກັນຍາ​ທີ່​ຜ່ານ​ມາ, ປະລິມານ​ຂອງ​ຜະລິດ​ຕະພັນ​ຄ້າງ​ສາງ​ຫລາຍ​ຢ່າງ​ ຍັງ​ຢູ່​ໃນ​ລະດັບ​ສູງ, ຊຶ່ງ​ທີ່​ຫນ້າ​ສົນ​ໃຈ​ກໍ​ແມ່ນຕົວ​ເລກ​ຂອງ​ສິນຄ້າ​ຄ້າງ​ສາງ ​ໃນ​ຂະ​ແຫນງ​ອຸດສາຫະກຳ​ປຸງ​ແຕ່ງ ແລະ ການຜະລິດເພີ່ມຂຶ້ນ 20,4% ເມື່ອທຽບໃສ່ຈຸດເວລາດຽວກັນຂອງປີກາຍ. ສາເຫດຕົ້ນຕໍທີ່ພາ ໃຫ້ເກີດສະພາບການດັ່ງກ່າວ ກໍເພາະວ່າ ຄວາມຕ້ອງການຂອງຜູ້ບໍລິໂພກຢູ່ທັງຫວຽດນາມ ແລະ ຕ່າງປະເທດຫລຸດລົງ ອັນເນື່ອງ ມາຈາກຄວາມຫຍຸ້ງຍາກທາງດ້ານ ເສດຖະກິດຂອງໂລກ ແລະໃນຫວຽດນາມ, ຕະຫລາດຈຳຫນ່າຍ ຖືກຮັດແຄບ ເຮັດໃຫ້ເກີດຄວາມຫຍຸ້ງຍາກໃນຂອດການຈຳຫນ່າຍ./.

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s