Amphai

DC4/3

ຄູ​ສອນ​ດີ​ເດັ່ນວິຊາ​ພາສາ​ລາວ ​ແລະ ວັນນະຄະດີຕິດຕໍ່​ກັນ 3 ປີ October 14, 2012

Filed under: Uncategorized — anongphouthamphai @ 11:25 pm

(ຂປລ) ຄູ​-ອາຈານ​ຄື​ແມ່​ພິມຂອງ​ຊາດ​ພ້ອມ​ແລ້ວ ​ທີ່​ຈະ​ຖ່າຍ​ທອດ​ຄວາມ​ຮູ້​ໃຫ້​ນັກ​ສຶກສາ​ທີ່​ຈະ​​ເປັນຜູ້​ສືບ​ທອດ​ໃນ​ອະນາຄົດ​ຊຶ່ງ ອາຈານ ນາງ ບົວ​ຄຳ ວົງ​ວິ​ໄລ, ສອນ​ວິຊາ​ພາສາ​ລາວ-ວັນນະຄະດີ, ຊັ້ນ ມ 7 ຢູ່ໂຮງຮຽນ ມສ ໜອງ​ບອນ ​ກໍ​ເປັນ​ຜູ້​ໜຶ່ງ​ທີ່​ໄດ້​ທຸ້ມ​ເທ​ເຫື່ອ​ແຮງ ​ແລະ ສະຕິ​ປັນຍາ​ເຂົ້າ​ໃນ​ການ​ສິດສອນ​ຈົນ​ໄດ້​ຖືກ​ຄັດ​ເລືອກ​ໃຫ້​ເປັນ​ຄູ່​ດີ​ເດັ່ນ​ຕິດ​ຕໍ່​ກັນ 3 ປີ​.

ອຈ ບົວ​ຄຳ ວົງ​ວິ​ໄລ ໄດ້ໃຫ້​ສຳພາດ​ຕໍ່​ນັກ​ຂ່າວ​ສານ​ປະ​ເທດ​ລາວ​ວ່ານັບແຕ່ໄດ້ຮຽນຈົບສ້າງຄູດົງໂດກ ມາແຕ່ປີ 1991 ອາຈານໄດ້ໄປສອນຢູ່ໂຮງຮຽນມັດທະຍົມບ້ານດົງບັງ, ເມືອງ ໄຊທານີ, ນະຄອນຫລວງວຽງຈັນ, ໃນປີ 1998 ອາຈານໄດ້ຍ້າຍມາຮຽນຢູ່ໂຮມຮຽນ ມສ ໜອງບອນ, ເມືອງໄຊເສດຖາ, ນະຄອນຫລວງວຽງຈັນ, ຕະຫລອດໄລຍະເວລາ ດັ່ງກ່າວອາຈານໄດ້ທຸ້ມເທເຫື່ອແຮງ ແລະ ສະຕິປັນຍາ ເຂົ້າໃນການສິດສອນນັກຮຽນຊຶ່ງການ​ສອນຂອງອາຈານໃນວິຊາວັນນະຄະດີ ແລະ ພາສາລາວຊຶ່ງ​​ຈະ​ເນັ້ນ​ໃສ່​ລັກສະນະ ວັນນະຄະດີ ແລະ ປະຫວັດສາດໂດຍຈະຍົກເອົາບັນຫາທີ່ເດັ່ນໆມາໃຫ້ນັກຮຽນເຫັນ ຫລື ຈະຊອກເອົາໂຄງຮ່າງປະກອບຕ່າງໆມາໃຫ້ນັກຮຽນເຫັນນັກຮຽນຈະຈື່ງ່າຍ ແລະ ຕິດ ໃຈແຕ່ຖ້າເຮົາເວົ້າເປັນທິດສະດີຫລາຍນັກຮຽນຈະເກີດເບື່ອໜ່າຍ, ສຳລັບວິຊາພາສາລາວກໍຈະສອນໃຫ້ນັກຮຽນກຳໄດ້ຫລັກການຂຽນ, ເວົ້າໃຫ້ຄ່ອງແຄ້ວເຊັ່ນວ່າພາສາລາວຈະ ເປັນຫລັກການຕາຍຕົວແຕ່ຕ້ອງໃຫ້ນັກຮຽນສາມາດ ຈຳແນກໄດ້ວ່າແຕ່ລະຄຳສັບເປັນຄຳສັບປະເພດໃດ, ເວລາຂຽນຈຶ່ງບໍ່ຜິດ, ​ ສ່ວນ​ການ​ປະ​ເມີນ​ຜົນ​ການ​ຮຽນ​ຂອງ​ນັກຮຽນການ​ ເຮົາ​ຈະ​ວັດ​ແທກ​ດ້ວຍ​ການ​ສອບ​ເສັງ, ນັກຮຽນ​ຍອມຮັບ ​ແລະ ​ເບີ່​ງຜົນ​ການ​ຮຽນ​​ດີ ຫລື ບໍ່​ວ່າ​ຈະ​ເສັງ​ຢູໃນ​ພາກ ຫລື ໃນ​ການ​ເລື່ອນ​ຊັ້ນ, ຜ່ານ​ມາ​ກໍ​ໄດ້​ມີ​ນັກຮຽນ​ວິຊາ​ດັ່ງກ່າວ​ໄດ້​ ເຂົ້າ​ແຂ່ງຂັນ​ສອບ​ເສັງ​ໃນ​ລະດັບ​ເມືອງ ​ແລະ ນະຄອນຫລວງ, ພ້ອມ​ນີ້ກໍສຶກ​ສາ​ອົບຮົມນັກຮຽນ​ຜູ້​ທີ່​ບໍ່​ເອົາ​ໃຈ​ໃສ່​ຕໍ່​ການ​ຮຽນ​ໂດຍ​ໄດ້​ຍົກ​ຕົວຢ່າງ​ຜູ້​ທີ່​ຮຽນ​ດີ​ໃຫ້​ເຂົາ​ເຈົ້າ​ໄດ້​ຮູ້​ເພື່ອ​ຈະ​ ເປັນ​ທິດ​ຊ່ວຍ​ໃຫ້​ນັກຮຽນ​ຢາກ​ມີ​ຄວາມ​ຢາກຮູ້ ແລະ ຢາກ​ຮຽນຫລາຍຂຶ້ນ ແລະ ກາຍເປັນນັກຮຽນທີ່ຮຽນເກັ່ງໃນທີ່ສຸດ./.

 

ການ​ຄຸ້ມ​ຄອງ​ປ່າ​ສະຫງວນ ຍັງ​ມີ​ຂໍ້ຄົງຄ້າງ​ຕ້ອງ​ເລັ່ງປັບປຸງ

Filed under: Uncategorized — anongphouthamphai @ 11:20 pm

*(ຂປລ) : ຕາມ​ການ​ລາຍ​ງານ ຂອງ ທ່ານຫົວໜ້າ​ກົມ​ປ່າ​ໄມ້ ດຣ ສີ​ລາ​ວັນ ສະຫວັດ​ວົງ ໃນ​ກອງ​ປະຊຸມ​ສະ ຫລຸບ​ວຽກ​ງານ​ກະສິກຳ ​ແລະ ປ່າ​ໄມ້ 5 ປີ ຄັ້ງ VI​, ​ໃຫ້​ຮູ້​ວ່າ​ການ​ຄຸ້ມ​ຄອງ​ປ່າ​ສະຫງວນ​ ຍັງ​ມີ​ຫລາຍ​ບັນຫາ​ຕ້ອງ​ໄດ້​ເລັ່ງ​ແກ້​ໄຂ​ປັບປຸງ​ໃຫ້​ສຳ​ເລັດ ​ເປັນຕົ້ນ : ການ​ສ້າງ​ແຜນ​ຈັດ​ສັນ​ປ່າ​ສະຫງວນ​ແຫ່ງ​ຊາດ​ໃນ​ຂອບ​ເຂດ​ທົ່ວ​ປະ​ເທດ​ຍັງ​ບໍ່​ສຳ​ເລັດ, ຂາດ​ການ​ສ້າງ ​ແລະ ຕິດຕັ້ງຫລັກ​ໝາຍ​ເຂດ​ແດນ​ປ່າ​ສະຫງວນ, ການ​ສຳ​ຫລວດ​ຂໍ້​ມູນ​ເສດຖະກິດ-ສັງຄົມ ຂອງ​ບ້ານ​ຢູ່​ໃນ ແລະ ອ້ອມ​ຮອບ​ປ່າ​ສະຫງວນ, ການວາງ​ແຜນ​ນຳ​ໃຊ້​ທີ່​ດິນ ແລະ ມອບ​ດິນ-ມອບ​ປ່າ​ຢູ່​ຂັ້ນບ້ານ, ການ​ສົ່ງ​ເສີມ​ກິດຈະກຳພັດທະນາ ​ເພື່ອ​ປັບປຸງ​ຊີວິດ​ການ​ເປັນ​ຢູ່ຂອງ​ປະຊາຊົນ ຍັງ​ເຮັດ​ບໍ່​ໄດ້​ດີ​ເທົ່າ​ທີ່​ຄວນ. ພ້ອມ​ນີ້ການ​ສ້າງ​ຄວາມ​ສາມາດ​ໃຫ້​ແກ່​ອົງການ​ຈັດຕັ້ງ, ພະນັກງານ ແລະ ປະຊາຊົນ​ໃນ​ທ້ອງ​ຖິ່ນ​ຍັງ​ບໍ່​ທັນ​ໄດ້​ຈັດຕັ້ງປະຕິບັດ​ເທື່ອ ຈຶ່ງ​ເຮັດ​ໃຫ້​ປ່າ​ສະຫງວນ​ແຫ່ງ​ຊາດຫລາຍ​ແຫ່ງ ຍັງ​ມີ​ການ​ບຸກລຸກ​ບຽດ​ຢຶດ​ເອົາ​ທີ່​ດິນ​ປ່າ​ໄມ້, ບຸກລຸກ​ທຳລາຍ​ຖິ່ນ​ຢູ່​ອາ​ໄສ ຂອງ​ສັດປ່າ ​ແລະ ລັກລອບ​ຂຸດ​ຄົ້ນ​ໄມ້​ປະ​ເພດ​ຫວງ​ຫ້າມ ​ໃນ​ເຂດ​ປ່າ​ສະຫງວນ​ເຊັ່ນ : ປ່າ​ສະຫງວນ​ແຫ່ງ​ຊາດ​ເຊ​ປຽນ, ​ເຊບັ້ງນວນ, ພູ​ຊຽງ​ທອງ, ພູ​ເຂົາ​ຄວາຍ ​ແລະ ພູ​ພະນັງ. ສິ່ງ​ສຳຄັນ​ແມ່ນ​ຍັງ​ບໍ່​ສາມາດ​ດຶງ​ດູດ​ເອົາ​ກຳລັງ​ແຮງ​ຈາກ​ປະຊາຊົນ​ພາຍ​ໃນ​ທ້ອງ​ຖິ່ນ ແລະ ພາກສ່ວນ​ກ່ຽວ​ຂ້ອງ ​ເຂົ້າ​ເປັນ​ກຳລັງ​ຕົ້ນຕໍ ແລະ ມີ​ສ່ວນ​ຮ່ວມ​ໃນ​ການ​ປົກ​ປັກ​ຮັກສາ​ປ່າ​ໄມ້, ສະກັດ​ກັ້ນ​ໄຟ​ໄໝ້​ລາມ​ປ່າ ​ແລະ ສະກັດ​ກັ້ນບັນດາ​ປະກົດ​ການ​ລັກລອບ​ຕັດ​ໄມ້, ​ເຄື່ອນ​ຍ້າຍ​ໄມ້ ແລະ ອື່ນໆ.

​ເພື່ອ​ສືບຕໍ່​ແກ້​ໄຂ​ປະກົດ​ການ​ທີ່​ເກີດ​ຂຶ້ນ ທ່ານ​ຫົວໜ້າ​ກົມ​ປ່າ​ໄມ້ ຍັງ​ຊີ້​ໃຫ້​ເຫັນ​ທິດ​ທາງ​ແກ້​ໄຂ ຊຶ່ງ​ກ່ອນ​ອື່ນ​ໝົດ ຕ້ອງ​ໄດ້​ສ້າງຕັ້ງຄະນະ​ກຳມະການ​ຮັບຜິດຊອບ​ຄຸ້ມ​ຄອງ​ເຂດ​ປ່າ​ສະຫງວນ​ແຫ່ງ​ຊາດ ສະ​ເພາະ​ປ່າ​ສະຫງວນ​ແຫ່ງ​ຊາດ​ທີ່​ມີ​ເນື້ອທີ່​ຕິດ​ກັບ​ຫລາຍ​ແຂວງ ​ເຫັນ​ດີໃຫ້​ແຂວງ​ທີ່​ມີ​ເນື້ອທີ່​ປ່າ​ສະຫງວນ​ຫລາຍ​ກວ່າ ​ເປັນ​ຫົວໜ້າ. ພ້ອມ​ນີ້ກໍ​ຕ້ອງ​ເລັ່ງສ້າງ ​ແລະ ປັບປຸງ​ແຜນ​ຈັດ​ສັນ​ປ່າ​ສະຫງວນ ໃນ​ທົ່ວ​ປະ​ເທດ​ໃຫ້​ສຳ​ເລັດ ພ້ອມ​ທັງ​ດຳ​ເນີນ​ການ​ຜັນ​ຂະ ຫຍາຍ ​ແລະ ຈັດຕັ້ງປະຕິບັດ​ແຜນ​ດັ່ງກ່າວ​ອອກ​ເປັນ​ໂຄງການ​ລະອຽດ ​ໂດຍ​ເລັ່ງ​ໃສ່​ການ​ກຳນົດ ​ແລະ ຈັດ​ແບ່ງ​ເຂດ​ຕ່າງໆ ແລະ ປັກ​ຫລັກ​ໝາຍ​ເຂດ​ແດນ​ໃຫ້​ຈະ​ແຈ້ງ. ສ່ວນ​ການ​ຄຸ້ມ​ຄອງ​ສັດ​ນ້ຳ-ສັດປ່າ ຕ້ອງ​ເພີ່ມ​ທະວີ​ຂອດ​ປະສານ​ສົມທົບ ລະຫວ່າງ​ຂະ​ແໜງ​ການ​ກ່ຽວຂ້ອງ ທັງ​ສູນ​ກາງ ​ແລະ ທ້ອງ​ຖິ່ນ. ການ​ນຳ​ເຂົ້າ, ສົ່ງ​ອອກ ​ແລະ ນຳ​ຜ່ານ ສັດ​ນ້ຳ-ສັດປ່າ ຕ້ອງ​ປະຕິບັດ​ຕາມ​ກົດໝາຍ​ວ່າ​ດ້ວຍ​ສັດ​ນ້ຳ ແລະ ສັດປ່າ ​ແລະ ສົນທິສັນຍາ​ສາກົນ (CITES) ຢ່າງ​ເຂັ້ມງວດ ​ແລະ ສືບຕໍ່​ຊຸກຍູ້ ການ​ສ້າງ​ວັງສະ​ຫງວນ ຢູ່​ໃນ​ເຂດ​ປ່າ​ສະຫງວນ​ຂຶ້ນຕື່ມ ​ເພື່ອ​ອະນຸລັກ ​ແລະ ປົກ​ປັກ​ຮັກສາ​ພັນ​ສັດ​ນ້ຳ ໃຫ້​ມີ​ຈຳນວນ​ເພີ່ມ​ຂຶ້ນ.

ການຈັດຕັ້ງປະຕິບັດ​ວຽກ​ງານ​ຄຸ້ມ​ຄອງ​ປ່າ​ສະຫງວນ ແລະ ສັດ​ນ້ຳ, ສັດປ່າ ​ໃນ​ໄລຍະ​ຜ່ານ​ມາ​ທາງ​ກະຊວງ​ກະສິກຳ ​ແລະ ປ່າ​ໄມ້ ໂດຍ​ສະ​ເພາະ​ແມ່ນ​ກົມ​ປ່າ​ໄມ້ ໄດ້​ເອົາ​ໃຈ​ໃສ່​ປົກ​ປັກ​ຮັກສາ​ປ່າ​ສະຫງວນ​ແຫ່ງ​ຊາດ 21 ແຫ່ງ ​ໃນ​ນັ້ນມີ​ 2 ເຂດ​ເຊື່ອມ​ຕໍ່ ລະຫວ່າງ​ປ່າ​ສະຫງວນ​ແຫ່ງ​ຊາດ​ ນາ​ກາຍ-ນ້ຳ​ເທີນ ກັບ ພູ​ຫີນ​ບູນ ແລະ ປ່າ​ສະຫງວນ​ແຫ່ງ​ຊາດ​ນາ​ກາຍ-​ນ້ຳ​ເທີນ ກັບ ພູ​ຫີນ​ໜາມ​ໜໍ່, ພ້ອມ​ນີ້ຍັງ​ມີ​ປ່າ​ສະຫງວນ​ຂອງ​ແຂວງ 76 ແຫ່ງ ​ແລະ ຂອງ​ເມືອງ 136 ແຫ່ງ ລວມ​ເນື້ອທີ່​ທັງ​ໝົດ 4,7 ລ້ານ​ເຮັກຕາ ​ເທົ່າ​ກັບ 22% ຂອງ​ເນື້ອທີ່​ລວມປະ​ເທດ. ໃນ​ປີ 2005 ປ່າ​ສະຫງວນ​ແຫ່ງ​ຊາດ ນ້ຳທາ ​ໄດ້​ຖືກ​ຮັບຮອງ​ເອົາ​ເປັນ​ມໍລະດົກ​ທາງ​ດ້ານ​ທຳ​ມະ​ຊາດ​ຂອງ​ອາ​ຊຽນ, ປ່າ​ສະຫງວນ​ແຫ່ງ​ຊາດ​ຫີນ​ໜາມ ໝໍ່ ກຳລັງ​ນຳ​ສະ​ເໜີ​ໃຫ້​ລັດຖະບານ ພິຈາລະນາ​ສະ​ເໜີ​ເຂົ້າ​ເປັນ​ມໍລະດົກ​ໂລກ. ນອກ​ນີ້ຍັງ​ມີ​ປ່າ​ສະຫງວນ​ຂອງ​ແຂວງ ທີ່​ສະ​ເໜີ​ຍົກ​ລະດັບ​ເປັນ​ປ່າ​ສະຫງວນ​ແຫ່ງ​ຊາດ ​ເຊັ່ນ : ປ່າ​ສະຫງວນ​ພູ​ຜີ ແຂວງ​ອຸດົມ​ໄຊ, ປ່າ​ສະຫງວນ​ພູ​ປຸງ​ຈອງ ​ແລະ ພູ​ສະບົດ ​ແຂວງ​ຊຽງ​ຂວາງ, ປ່າ​ສະຫງວນ​ຊຸນ​ເຊ​ໜໜອງ​ມ້າ ​ແຂວງ​ຄຳ​ມວນ ແລະ ປ່າ​ສະຫງວນ ລະວິ​ງ-ລະ​ເວີນ ແຂວງ​ສະຫວັນ​ນະ​ເຂດ. ປະ​ເດັນ​ສຳ​ທີ່​ຕິດ​ພັນ​ກັບ​ການ​ຄຸ້ມ​ຄອງ​ປ່າ​ສະຫງວນ ແລະ ສັດ​ນ້ຳ-ສັດປ່າ ຄື ປະຈຸ​ບັນ ສປປ ລາວ ​ໄດ້​ເຂົ້າ​ເປັນ​ພາຄີ​ຂອງ​ສົນທິສັນຍາ​ສາກົນ ດ້ານ​ຊີວະ​ນາໆ​ພັນ, ການ​ຄຸ້ມ​ຄອງ​ສັດປ່າ​ທີ່​ຫາ​ຍາກ, ການ​ປ້ອງ​ກັນ​ການ​ຫັນປ່ຽນ​ສະພາບ​ດິນ​ຟ້າ​ອາກາດ ຊຶ່ງ​ໄດ້​ກາຍ​ເປັນ​ພື້ນຖານ​ໃຫ້​ແກ່​ການ​ຮ່ວມ​ມື ທີ່​ກວ່າ​ງຂວາງ​ໃນ​ຂົງ​ເຂດ​ວຽກ​ງານ​ປ່າ​ໄມ້​ໃນ​ອານາ​ຄົດ./.

 

 

window 7

Filed under: Uncategorized — anongphouthamphai @ 10:33 pm
eCorner ວາລະສານອີຄອນເນີ ວາລະສານ ໄອທີ ແລະ ອີເລັກໂທຣນິກ

ອັບເດດ KB971033: ນັກຈັບ Windows ເຖື່ອນ

ໃຜທີ່ມັກອັບເດດ Windows 7 ຜ່ານທາງ Windows Update ນັ້ນ
ໃຫ້ລະວັງກັນເອົາໄວ້, ເພາະມື້ວານນີ້ Microsoft ໄດ້ປ່ອຍໂຕກວດຈັບ Windows ເຖື່ອນ ຫລື WAT (Windows Activation Technologies)
ເຊິ່ງເປັນລະບົບຊ່ອຍຢືນຢັນວ່າ ຜູ່ໃຊ້ນັ້ນກຳລັງໃຊ້ Windows ທີ່ຖືກກົດໝາຍກັນຢູ່ຫລືບໍ່.

ຖ້າຫາກຜູ່ໃດຫາກຕິດຕັ້ງອັບເດດໂຕນີ້ແລ້ວ, WAT ຈະທຳການກວດເບິ່ງ Windows ທີ່ຕັ້ງໃນເຄື່ອງຂອງທ່ານ, ແຕ່ເຖິງແນວນັ້ນ
process ກວດສອບນີ້ຈະບໍ່ມີຜົນກະທົບໃດໆກັບການເຮັດວຽກຂອງ Windows ຫລື ເຮັດໃຫ້ຊ້າລົງແຕ່ຢ່າງໃດ.
ໃຜໃຊ້ Windows ເຖື່ອນແລ້ວໄປອັບເດດໂຕນີ້ກໍກຽມໃຈເຫັນຫນ້າ Windows is not genuine ກັນໄດ້ເລີຍ ພ້ອມທັງຖືກປິດ effect ແລະ ຖຶກລົດປະສິດຕິພາບຂອງ Windows ລົງອີກ ຮະຮະ!

ແຕ່ແນ່ນອນ ເລົ່າ Hacker ບໍ່ຍອມຍຸດຕິສົງຄາມພຽງເທົ່ານີ້ແນ່ນອນ
ເມື່ອມີທາງເອົາເຂົ້າກໍຍ່ອມມີທາງເອົາອອກ. ໂຊກດີທີ່ສຳລັບ “ໂຈນສະຫລັດ” ທັງຫລາຍທີ່ຫລົງຕິດຕັ້ງ KB971033 ນີ້ລົງໄປແລ້ວນັ້ນ
ຍັງມີຢາຮັກສາ ສາມາດ uninstall ມັນອອກໄດ້ຢູ່.
ວິທີແກ້ມີແລ້ວ ແຕ່ຂໍກັກໄວ້ກ່ອນ ເອິກໆ ຕິດຕາມວິທີແກ້ ໃນຕອນຕໍ່ໄປ…

ຂໍ້ມູນອ້າງອີງຈາກ:
http://www.mydigitallife.info/20 … -dynamic-signature/
http://www.winmatrix.com/forums/ … ws-7-cracks-killer/

ຂໍຂອບໃຈ Laozaa.com

 

ສ້າງ​ຄວາມ​ເຂົ້າ​ໃຈ​ກ່ຽວ​ກັບ​ວຽກ​ງານ​ປ້ອງ​ກັນ​ ພາຍ​ໃນ​ໃຫ້ພະນັກງານ​ຫລັກ​ແຫ​ລ່ງ​ກະຊວງ ຜທ

Filed under: Uncategorized — anongphouthamphai @ 10:09 pm

(ຂປລ) ກະຊວງ​​ແຜນການ ແລະ ການ​ລົງທຶນ​ ຮ່ວມ​ກັບ​ກົມ 101 ກະຊວງ​ປ້ອງ​ກັນ​ຄວາມ​ສະຫງົບ​ໄດ້​ຈັດ​ຊຸດ​ຝຶກ​ອົບຮົມ​ກ່ຽວ​ກັບວຽກງານ​ປ້​ອງ​ກັນ​ພາຍ​ໃນ​ຂຶ້ນ​ໃນ​ວັນ​ທີ 12 ຕຸລາ 2012 ນີ້ຢູ່​ທີ່​ກະຊວງ​ແຜນການ ແລະ ການ​ລົງທຶນ (ຜທ), ໃຫ້​ກຽດ​ເຂົ້າ​ຮ່ວມ​ຂອງ​ ທ່ານ ດຣ ບຸນ​ທະວີ ສີ​ສຸພັນ​ທອງ, ລັດຖະມົນຕີ​ຊ່ວຍ​ວ່າການ​ກະຊວງ​ແຜນການ ແລະ ການ​ລົງທຶນ, ທ່ານ ພັນ​ໂທ ເພັງ​ຄຳ ວົງ​ສົມບັດ, ຮອງ​ຫົວໜ້າ​ກົມ 101 ກະຊວງ​ປ້ອງ​ກັນ​ຄວາມ​ສະຫງົບ, ມີ​ບັນດາ​ຄະນະ​ກົມ, ຄະນະ​ພະ​ແນ​ກ, ຄະນະ​​ປ້ອງ​ກັນ​ກະຊວງ, ຄະນະໜ່ວຍ​ປ້ອງ​ກັນ, ວິຊາ​ການ, ຫ້ອງການພ້ອມ​ດ້ວຍ​ພະນັກງານ​ອ້ອມ​ຂ້າງ​ກະຊວງ​​ແຜນການ ແລະ ການ​ລົງທຶນ.

ທ່ານ ດຣ ບຸນ​ທະວີ ສີ​ສຸພັນ​ທອງ ​ໄດ້​ຍົກ​ໃຫ້​ເຫັນ​ຄວາມໝາຍ​ຄວາມ​ສຳຄັນ​ຂອງ​​ວຽກ​ງານ​ປ້ອງ​ກັນ​ພາຍ​ໃນ​ ເຊິ່ງເປັນ​ວຽກ​ງານ​ທີ່​ສຳຄັນ​ຫລາຍ​ໃນ​ພາລະກິດ​ແຫ່ງ​ການ​ປົກ​ປັກ​ຮັກສາ ​ແລະ ສ້າງສາ​ພັດທະນາ​ປະ​ເທດ​ຊາດ​ໃນ​ໄລຍະ​ໃໝ່​ນີ້, ອີກດ້ານ​ໜຶ່ງບັນດາ​ອິດ​ທິກຳລັງ​ປໍ​ລະ​ປັກ​ຍາມ​ໃດ​ກໍ​ບໍ່​ລົດ​ລະ​ໃນ​ການ​ມ້າງ​ເພ​ລະບອບ​ປະຊາທິປະ​ໄຕ​ປະຊາຊົນ​ເຮົາ​ ເຊິ່ງ​ບັນດາ​ຜູ້​ ເຂົ້າຮ່ວມ​ຈະ​ໄດ້​ຮຽນ​ຮູ ແລະ ​ເຊື່ອມ​ຊຶມ​​ເອກະສາ​ນສຳຄັນ​ຕ່າງໆ ຂອງ​ວຽກ​ງານ​ປ້ອງ​ກັນ​ພາຍ​ໃນ​ໄລຍະ​ໃໝ່, ​ໄດ້​ຮຽນ​ຮູ້​ທິດ​ຊີ້ນຳ​ຂອງຂັ້ນ​ເທິງ​ຢ່າງ​ລະອຽດ​ເລິກ​ເຊິ່ງ ພ້ອມ​ກັນນີ້ຍັງ​ ຈະ​ໄດ້​ປຶກສາ​ຫາລື​ກັນ​ໃນ​ການວາງ​ແຜນ​ທິດ​ທາງ ​ແລະ ຄວາມ​ຮັບຜິດຊອບ​ໃນ​ໄລຍະ​ຕໍ່ໜ້າ​ອີກ​ດ້ວຍ​, ສະ​ເພາະ​ໃນ​ປີນີ້ ກໍ​ແມ່ນ​ປີ​ທີ່​ສຳຄັນ​ຫລາຍ​ ເພາະ​ເປັນ​ປີ​ທີ່​ມີ​ເຫດການ​ສຳຄັນ​ ຫລາຍ​ຢ່າງ​ເກີດ​ຂຶ້ນ​ເຊັ່ນ: ການສະ​ເຫລີ​ມສະຫລອງ 50 ປີ​ແຫ່ງ​ການ​ພົວພັນການທູດ ​ແລະ 35 ປີ​ສາມັກ​ຄີ​ພິ​ເສດ​ກັບ ສສ ຫວຽດນາມ, ກອງ​ປະຊຸມ​ອາ​​ເຊັບ 7 ຫາ​ກໍ​ສິ້ນສຸດ​ລົງ ຢ່າງ​ສະ​ຫງ່າ​ງາມ ​ແລະ ​ໃນ​ມໍ່ໆ​ນີ້ພວກ​ເຮົາ​ກໍ​ຍັງ​ຈະ​ໄດ້​ສືບຕໍ່​ເອົາ​ໃຈ​ໃສ່​ວຽກ​ງານ​ສຳຄັນ​ຕ່າງໆ​ຕື່ມ​ອີກ​ບໍ່​ວ່າ​ຈະ​ເປັນ​ບຸນ​ຊ່ວງ​ເຮືອ​ປະ​ເພນີ​ທີ່​ຈະ​ເກີດ​ຂຶ້ນ​ໃນ​ທ້າຍ​​ເດືອນ​ນີ້, ບຸນ​ພະທາດ​ ຫລວງ, ກອງ​ປະຊຸມ​ອາ​ເຊັມ 9, ງານ​ມະຫະກຳ​ກິລາ​ມະຫາວິທະຍາ​ໄລ​ອາ​ຊຽນຄັ້ງທີ 16 ແລະ ອື່ນ​ອີກ, ​ສະນັ້ນຈຶ່ງ​ຮຽກຮ້ອງ​ໃຫ້​ບັນດາ​ທ່ານ​ຈົ່ງ​ໄດ້​ສຸມ​ຈິດ​ສຸມ​ໃຈ ​ແລະ ​ແລກປ່ຽນ​ ຄຳ​ຄິດ​ຄຳ​ເຫັນ​ກັນ​ຢ່າງ​ກົງ​ໄປ​ກົງ​ມາ ​ແລະ ດ້ວຍ​ຄວາມ​ຮັບຜິດຊອບ​ສູງ​ ເພື່ອເຮັດ​ໃຫ້​ຊຸດ​ຝຶກ​ອົບຮົມ​ໃນ​ຄັ້ງນີ້ສຳ​ເລັດ​ຕາມ​ຈຸດປະສົງ ​ແລະ ຄາດ​ເໝາຍ​ທີ່​ວາງ​ໄວ້./.

 

ວັນ​ຕ້ານ​ຢາ​ເສບ​ຕິດ​ແຫ່ງຊາດ 12 ຕຸລາ

Filed under: Uncategorized — anongphouthamphai @ 10:06 pm

(ຂປລ) ນະຄອນ​ຫວຼງວຽງ​ຈັນ​ ຮ່ວມ​ກັບ​ຄະນະ​ກຳມະການ​ແຫ່ງຊາດ​ເພື່ອ​ກວດກາ ​ແລະ ຄວບ​ຄຸມ​ຢາ​ເສບ​ຕິດ​ ໄດ້​ຈັດ​ງານ​ໂຮມ​ຊຸມນຸມ​ເນື່ອງ​ໃນ​ໂອກາດ​ວັນ​ຕ້ານ​ຢາ​ເສບ​ຕິດ ແຫ່ງ​ຊາດ​ ​ຄົບຮອບ 11 ​ປີ (12/10/2001-12/10/2012) ຂື້ນ​ໃນ​ວັນ​ທີ 11 ຕຸລາ 2012 ຢູ່​ທີ່​ຫໍ​ວັດ​ທະນະທຳ​ແຫ່ງ​ຊາ​ດພາຍ​ໃຕ້​ການ​ເປັນ​ປະທານ​ຂອງ​ທ່ານ ສຸ​ກັນ ມະຫາລາດ, ​​ເລຂາທິ ການ​ສູນ​ກາງ​ພັກ, ​ເລຂາຄະນະ​ພັກ, ເຈົ້າ​ຄອງ​ນະຄອນຫຼວງ​ວຽງ​ຈັນ, ​ໂດຍ​​​ໃຫ້ກຽດເຂົ້າ​ຮ່ວມ​ຂອງ​ທ່ານ ອາຊາ​ງ ລາວ​ລີ, ກົມ​ການ​ເມືອງ​ສູນ​ກາງ​ພັກ, ຮອງ​ນາຍົກລັດຖະມົນຕີ, ຜູ້ຊີ້​ນຳ​ ວຽກ​ງານ​ວັດທະນາ​ທຳ-ສັງ​ຄົມ, ມີ​ບັນດາ​ລັດຖະມົນຕີ​ວ່າການ-ຊ່ວຍ​ວ່າການ, ​ເຈົ້າ​ແຂວງ, ບັນດາ​ທຸ​ຕາ​ນຸທູດ, ຜູ້ຕາງໜ້າ​ອົງການ​ຈັດ​ຕັ້ງ​ສາກົນປະ​ຈຳ​ລາວ ​ພ້ອມ​ດ້ວຍ​ພະນັກງານ, ທະຫານ, ຕຳຫຼວດ, ນັກຮຽນ-ນັກ​ສຶກສາ, ຄູ-ອາຈານ, ນັກທຸລະກິດ​ ແລະ ​ມວນ​ຊົນ​ຊາວ​ນະຄອນຫຼວງ​ວຽງ​ຈັນ​ເຂົ້າ​ຮວ່ມຫຼາຍ​ກວ່າ 1.400 ຄົນ.

ທ່ານ ເຈົ້າ​ຄອງ​ນະຄອນຫຼວງວຽງ​ຈັນ ໄດ້​ກ່າວ​ໃນ​ພິທີ​ໂຮມ​ຊຸມນຸມ​ວັນ​ຕ້ານ​ຢ່​າເສ​ບຕິ​ດ​ແຫ່ງ​ຊາດ​ 12 ຕຸລາ ຄົບຮອບ 11 ປີ ວ່າ: ສະພາບ​ປະກົດ​ການ​ຫຍໍ້​ທໍ້​ຂອງ​ສັງຄົມ ​ໂດຍ​ສະ​ເພາະ​ ບັນຫາ​ຢາ​ເສບ​ຕິດ​ໄດ້​ເຮັດ​ໃຫ້​ສັງຄົມ​ບໍ່​ມີ​ຄວາມ​ສະຫງົບ ​ແລະ ​ເປັນ​ລະບຽບຮຽບຮ້ອຍທີ່ແທ້ຈິງ. ເຖິງແນວໃດກໍຕາມອົງການປົກຄອງນະຄອນຫຼວງວຽງຈັນ ໄດ້ນຳພາຕ້ານສະກັດ ກັ້ນແກ້ໄຂປະກົດການຫຍໍ້ທໍ້ໃນສັງຄົມເວົ້າລວມ, ເວົ້າສະເພາະແມ່ນການກວດກາ-ຄວບຄຸມບັນຫາຢາເສບຕິດ, ໂດຍໄດ້ສຸມໃສ່ຜັນຂະຫຍາຍເນື້ອໃນຈິດໃຈ ຄຳສັ່ງຂອງທ່ານນາຍົກ ລັດຖະມົນຕີສະບັບເລກທີ 27/ນຍ, ລົງວັນທີ 5 ຕຸລາ 2011, ວ່າດ້ວຍການເພີ່ມທະວີວຽກງານຕ້ານ, ສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມ. ໂດຍຖືເອົາການສຶກສາອົບ ຮົມ, ສ້າງຈິດສຳນຶກ, ສ້າງຄວາມຮັບຮູ້ເຂົ້າໃຈເຖິງໄພອັນຕະລາຍຂອງຢາເສບຕິດ, ໃນການຊີ້ນຳ-ນຳພາບັນດາ ອົງການຈັດຕັ້ງມະຫາຊົນລົງສົມທົບກັບການຈັດຕັ້ງຢູ່ຂັ້ນຮາກຖານ ບ້ານ, ໂຮງຮຽນ, ໂຮງຈັກໂຮງງານໃນ ການກວດກາເກັບກຳຂໍ້ມູນຕົງຈິງບັນດາເປົ້າໝາຍເຊິ່ງສາມາດຂື້ນບັນຊິເປົ້າໝາຍທີ່ພົວພັນກັບຢາເສບຕິດໄດ້ທັງໝົດ 3.582 ຄົນ, ຍິງ 228 ຄົນ, ໃນຈຳນວນດັ່ງກ່າວແກ້ໄຂ ໄດ້ແລ້ວ 3.040 ຄົນ, ຍິງ 146 ຄົນ. ໂດຍອັນທີ່ພົ້ນເດັ່ນອັນໜຶ່ງພາຍໃຕ້ການຊີ້ນຳ-ນຳພາຂອງພັກ-ລັດ ກໍແມ່ນການສ້າງບ້ານປອດຢາເສບຕິດ ພວກເຮົາໄດ້ເອົາວຽກງານດັ່ງກ່າວຕິດພັນກັບວຽກງານກໍ່ສ້າງຮາກຖານ, ສ້າງບ້ານພັດທະນາ ແລະ ແກ້ໄຂຄວາມທຸກຍາກ. ນະຄອນຫຼວງວຽງຈັນ ໄດ້ລິເລີ່ມການສ້າງບ້ານປອດຢາ ເສບຕິດນັບແຕ່ປີ 2007 ເປັນຕົ້ນມາ, ຮອດປະຈຸບັນສາມາດສ້າງບ້ານປອດຢາເສບຕິດໄດ້ແລ້ວ 203 ບ້ານ, ກວມເອົາ 42% ຂອງຈຳນວນບ້ານທັງໝົດ 483 ບ້ານ ຂອງນະ ຄອນຫຼວງວຽງຈັນ.

ໃນໂອກາດວັນຕ້ານຢາເສບຕິດແຫ່ງຊາດ 12 ຕຸລາ ນີ້ ທ່ານ ຮອງນາຍົກລັດຖະມົນຕີ, ຜູ້ຊີ້​ນຳ​ວຽກ​ງານ​ວັດທະນາ​ທຳ-ສັງ​ຄົມ ກໍໄດ້ໃຫ້ທິດຊີ້ນຳກ່ຽວກັບວຽກງານ ແລະ ຄວບຄຸມ ຢາເສບຕິດໃນຂອບເຂດທົ່ວປະເທດໂດຍຮຽກຮ້ອງມາຍັງທົ່ວພັກ, ທົ່ວລັດ ແລະ ທົ່ວປວງຊົນຍົກລະດັບຄວາມຮັບຜິດຊອບທາງການເມືອງ, ເພື່ອສະກັດກັ້ນ ແລະ ແກ້ໄຂບັນຫາ ຢາເສບຕິດໃຫ້ຫຼຸດລົງເທື່ອລະກ້າວ, ສູ້ຊົນເຮັດໃຫ້ ສປປ ລາວ ໄດ້ປາສະຈາກຢາເສບຕິດ ແລະ ທັງເປັນການປະກອບສ່ວນເຮັດໃຫ້ປະຊາຄົມ ອາຊຽນໄດ້ປອດຈາກຢາເສບຕິດ ພາຍໃນປີ 2015. ໃຫ້ສຸມໃສ່ການສຶກສາອົບຮົມ ແລະ ໂຄສະນາ ເຜີຍແຜ່ລະບຽບກົດໝາຍ, ມະຕິຄຳສັ່ງ ແລະ ນິຕິກຳ ຕ່າງໆພ້ອມທັງພິດໄພ ແລະ ຜົນຮ້າຍຂອງຢາເສບຕິດຢ່າງ ກ້ວາງຂວາງ ແລະ ເລິກເຊິ່ງໃນຂອບເຂດທົ່ວປະເທດດ້ວຍຫຼາຍຮູບການ ແລະ ວິທີການທີ່ແທດເໝາະກັບແຕ່ລະພື້ນທີ່. ໃນຕໍ່ໜ້ານີ້ຕ້ອງເອົາໃຈໃສ່ຈັດຕັ້ງປະຕິບັດຄຳສັ່ງເລກທີ 27/ນຍ ກ່ຽວກັບການແກ້ໄຂປະກົດການຫຍໍ້ທໍ້ໃຫ້ນັບມື້ນັບໜ້ອຍຖອຍລົງ. ເພີ່ມທະວີຄວາມເປັນເຈົ້າການຂອງທຸກຂະແໜງການ, ອົງການປົກຄອງທຸກຂັ້ນ, ເພື່ອເຂົ້າຮ່ວມ ການສະກັດກັ້ນ ແລະ ແກ້ໄຂບັນຫາຢາເສບຕິດ.

 

Hello world! September 20, 2012

Filed under: Uncategorized — anongphouthamphai @ 4:10 am

Welcome to WordPress.com! This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.

Happy blogging!